Breaking News
Home » Archives » بەشداری فدراسیۆنی پەنابەران لە هەشتی مارسدا لەلەندەن

بەشداری فدراسیۆنی پەنابەران لە هەشتی مارسدا لەلەندەن

ئامادەکردنی: سوهام عەلی:
ڕۆژی ٨ی مارسی ٢٠١٨ ڕێکخراوەکانی؛ فدراسیۆنی پەنابەرانی عێراقی و ژنانی‌ کوردو ڕۆژهه‌ڵات و چەند ڕێكخراوێکی تری ژنان لە له‌به‌ریتانیا، بە بۆنەی ٨ی مارس ڕۆژی جیهانی ژنانەوە لە لەندەن مەراسیم و ئاهەنگێکی شکۆداریان بەئامادەبوونی ژمارەیەکی زۆر لەژنان بەڕێخست کە تێدا چەندین کەسایەتی جۆراوجۆر لە ژنان قسەو باسیان کرد دەربارەی وەزعی ژنان و جێگەو ڕێگەیان لە کۆمەڵگە ڕۆژهەڵاتیەکانی نیشتەجێی ئەوروپاو بەتایبەت لەبەریتانیا.
ڕێکخراوە بەشدارەکانی مەراسیمەکە بە چەند چالاکی جۆراجۆرو بەدانانی مێزکتێب بە چەندین جۆر لە نامیلکەو ڕیکلام هەریەکە بەشداریان کرد.
لە نێویاندا فدراسیۆنی پەنابەران بە پێشانگای فۆتۆگرافی کە وێنەی جۆراو جۆری کارو چالاکیەکانی دوو دەیەی ڕابردووی لەبەریتانیادا لەو کارو خزمەتگوزاری و بەهاناوە چوونی ژنان و لاوان لەکێشەکانیان و لەزیندان و هەلومەرجێکی دژوار کەتێدا بەسەریان بردووە لەگەڵ کێشەی کەیس و کێشەی پۆلیس و جێگاو رێگاو بەرێخستنی ناڕەزایەتی جۆراوجۆر بۆ مانەوەیان و وەرگرتنیان وەک پەنابەرو باشتربوونی وەزعیان تا دەگاتە مداخەلە لە گەڵ وڵاتان بۆ ئازاد کردنیان و ڕێگە گرتن لە ناردنەوەی بەزۆریان و چونە وڵاتان بۆ وەرگرتنەوەی تەرمی پەنابەرانێک کە لە ڕێگەی ژیانێکی باشتردا گیانیان بەخشی و بەتایبەت بەرگری لە ژنانێکی هەڵاتوو لە دەستی چەقۆ کولەکانی پیاوانی کۆنەپەرست و ناموسپەرت و هەوڵدان بۆ مانەوەو ژیانێکی ئارام و ئاسایش و دوور لە هەڕەشەی پیاو سالاری و پارێزەرانی جەهل و خورافە.
بەشی دووهەمی مەراسیمەکە بە ئاهەنگ و شادی لە نێو شۆڕو شەوقی ژنانی چالاکەوان و پەنابەردا پاش چەند کاتژمێر کۆتایی هات.

Leave a Reply

Your email address will not be published. Required fields are marked *

*